Bräteln 2025
von Melanie Stutz, 6. Juli 25
Bräteln 2025
ETF Lausanne isch Vergangeheit, Sommerferie stönd vor de Tür. Darum isch weder Zit für euses gmeinsami Spiesslibrötle im Gmeindsaal.
Leider isch s’Organisationsduo wege es paar chline Pannene am 19.00 nonig ganz parat gsi , aber es händ de alli enand gholfe und so hämmer gli die feine verschiedene mitbrochte Aperohäppli chöne gnüsse.
Mit ifüre hämmer das Jahr au ned müesse stresse, da mir 2 Kanalgrill mit Gas bstellt händ. Das isch en super Sach.
So händ mir de gmüetlich chöne die feine Spiessli grille. Die feine Salöt händ natürlich au ned dörfe fehle.
Mitem Dessert händ mir de Obe de usklinge lo.
Mir händ en gmüetliche Obig dörfe gnüsse und alli gönd i die verdienti Sommerpause.
Danke allne fürs helfe ufstelle, ufrume, Apero, Salat und Dessert mitbringe.
Es isch immer lässig mit eu allne.
Brigitte und Nadine
